De Schutteriej
De Schutteriej trikt doeër ’t durp, ’t sjteed get te gebuuere.
Vuuer-op de kinjer mit de vlag, in Vaaderlandse kluuere.
Der tusche in de Vaandrig, mit de vereenigings vlag.
Doa-noa de Hieëre van ’t besjtuuer, die gaeve ooch gewag.
De Schutte loope in ’t gelid, de sjpanning is te sjnieje.
Ze trikke noa de voeggelsjtang, doa gont ze zich bestrieje.
De voeëgel sjteed in prach en praal, al op de sjtang te wachte.
Waesjut humaaf, wae haed de ieër, wae is doa huuj biej machte.
De Schutte scheete om de buuered, de sjtukker van de voeëgel.
En dan op-ins dan is hae doa, de allerlitste koeëgel.
Ee luid gejuich geet dan om-hoeëg, en dan ze klappe alle.
Omdat de litste sjpaandesj, van de voeëgel zint gevalle.
De Schutte trikke noa ’t lokaal, ’t fieës dat kan beginne.
Ze hubbe noeë weer vuuer een joar, de Schutte-kuuening binne.
Me kint ’t zieën ze hubbe hum de plaate omgehange.
Noeë gont ze hum in ’t lokaal, mit ee good glaas beer ontvange.
’t Geluk vilt ooch waal ins ten deel, de tieëd haed ’t gelieërd.
Dat biej de schutte op ee joar, eene Keizer wuuerd ge-ieërd.
Dae drie joar achteree de voeëgel haed aaf-geschoate.
Dat is een Schut, eene echte Schut, doa kint me zich op verloate.
De Schutte motte reeglementair, noa Schutte fieëste goa.
Mer boave aan de lieës kump toch ’t OUD LIMBURGS, fieës te stoa.
Doa truf zich jongk en oud, van Soldaat tot Generaal.
Me kieëkt zich doa de ooge oeët, van al die prach en praal.
De proomienente hubbe op de ieëre triebuune plaats genomme.
Ze zint va wieëd en zieëd va eueveral gekomme.
Die hieëre dont mit hart en zieël, de Vereeniginge regeere.
As dangk dont alle Schutterieje, noeë vuuer hun deefieleere.
Vuuer-op zuut me kinjer loop mit de nummer-plaat.
Doa noa de Kuuning, Keizer mit gevolg, gans sjiek, in vol ornaat.
De Schutteriej marscheerd kordaat, wild mit de ieër goa sjtrieëke.
Went doezende luuj langs de waeg, noa de optocht zin koeme kieëke.
Kleurig en fleurig marscheere de Marketensters vuuer-biej.
Keurig wie ummer, ’t vaetje drangk aan de ziej.
De Vendel-zwaajers de Bielemenkes en de Kanon, zint ooch va de partiej.
En Schutte mit de Doedelzak, huuere ooch biej de Schutteriej.
Doa wuuerd gemarscheerd, gepaaraadeerd, en ooch ge-exerceerd.
Mer zieëker good kieëke, en doeër de juury gejuureerd.
Die kieëke lingks, die kieëke rechs va vuuere en va achte.
Went de Schutte op de commando’s van de Commandant zint aan ’t wachte.
Es me dan ’t Commando, Ingerukt marsj huuerd klingke.
Geet de ganse Meute zich aan de teek, gezellig ee glaeske dringke.
Dan wuuerd zich ooch aan ’t buffet, nog get hartigs gepak.
’t Marscheere haed hun meug, duuersjtig en hongerig gemak.
Noa de optoch wuuerd massaal noa de fieës-weij gegange.
Doa wuuerd geschoate op de bulkes aan de scheetsjtange.
Doa wuuerd mit kaavelle bewieëze, wae ’t gewaer ’t biste kint handjeere.
En wae ’t joar der-noa, ’t OUD LIMBURGS, mooch organiezeere.
1 augustus 2005
Geef je beoordeling aan het gedicht: De Schutteriej
Actuele beoordeling: 5,38
Aantal stemmen: 169
Stijger: +0,03
Aantal hits: 6000
Recente gedichten in de categorie Limburgse liefde
 | Datum | Gedicht |
|---|---|---|
| 29-07-05 | ROMANTIEK (zoe es ut vreuger waor) |
Lees alle gedichten in de categorie Limburgse liefde
InterDuo Relatiebemiddeling
Relatiebureau InterDuo relatiebemiddeling is het meest toonaangevende relatiebureau voor Nederlandse en Belgische HBO’ers en academici. InterDuo is erkend door de BER: Branchevereniging Erkende Relatiebureaus.
Bol.com
Bol.com, de winkel van ons allemaal. Kies uit >10 miljoen artikelen. Snel en vanaf 20,- gratis verzonden!
Books for Singles
Books for Singles verkoopt geen liefde, geluk of romantiek. Wel is het de gespecialiseerde online bookseller voor boeken over: singles, liefde, relaties, dating en persoonlijke groei. Books for Singles is een initiatief van het erkende relatiebureau InterDuo.
